Plasja shkakton ngordhje të papritura/të menjëhershme në gjedh, të dhirta, të leshta, njëthundrakë dhe mund të prekë rëndë njerëzit. Bakteret e antraksit prodhojnë toksina jashtëzakonisht të fuqishme, të cilat janë përgjegjëse për efektet e negative.
Autoriteti Kombëtar i Veterinarisë dhe Mbrojtjes së Bimëve çdo vit zbaton “Programin e Kontrollit të Sëmundjes së Plasjes”, për të parandaluar apo minimizuar përhapjen e antraksit në fermat blegtorale. Këtu ndodhemi në Qafë Draj të Dibrës, për të vaksinuar të gjithë krerët e fermës në pronësi të Rufat Kuçit.
