Erdhi si turist për të vizituar dhe fotografuar bukuritë shqiptare, u bë fermer në Ndroq të Tiranës.
Kjo është historia e Omid Karim nga Afganistani, i cili ka sjellë një ide gjeniale të mbarështimit të shpendëve, në rritje ekstensive. Omidi ka ndërtuar 11 shtëpiza prej druri, për të strehuar shpendët gjatë natës dhe ditën ato lëvizin të lira në natyrë.
“Ky është një aktivitet inovativ në Shqipëri dhe qëllimi është që të nxjerrim në treg mish pule organik dhe mjaft cilësor. Kam 3 vite që merrem me këtë aktivitet. Aktualisht kam mbarështuar rreth 1 mijë krerë dhe qëllimi është që ta zgjeroj aktivitetin më tej”, tha Omidi.
Vizioni i tij nuk ndalet këtu, pasi e ka zgjeruar aktivitetin blegtoral duke i shtuar fermës edhe 100 krerë dele.
