Bemisia tabaci (miza e bardhë) është një dëmtues shkatërrues për bujqësinë. Mikpritësit e zakonshëm janë kulturat si; domatja, kungulli, brokoli, lulelakra, lakra, pjepri, pambuku, karotat, patatet e ëmbla, kastraveci dhe bimët zbukuruese.
Çdo ditë agronomët tanë janë në terren për të monitoruar sipërfaqet e mbjella me kultura bujqësore, duke këshilluar fermerët për simptomat që infeksioni shfaq në bimë dhe masat që duhet të marrin për parandalimin e përhapjes së këtij dëmtuesi.
Miza e bardhë mund të shkaktojë dëme specifike në disa bimë pritëse, si; “gjethja e argjendtë” në kungull, pjekja e parregullt e domateve, kërcelli i bardhë në brokoli dhe lulelakër, e të tjerë. Infeksionet e larta shkaktojnë tharje të bimës.
