Adresa

Rruga “Jordan Misja”, pallati 141/1, shkalla 1, kati 2, Tiranë

Këshilla për fermerët mbi dëmet që mund të shkaktojnë minjtë në tokat bujqësore

Këshilla për fermerët mbi dëmet që mund të shkaktojnë minjtë në tokat bujqësore

Minjtë njihen si dëmtues të bujqësisë dhe janë shkaktarë seriozë të uljes së prodhimeve. Njohja e këtyre dëmtuesve polifagë paraqet rëndësi të veçantë për të parashikuar në kohë masat e kontrollit. Në aspektin bujqësor, ka rëndësi familja Muridae, speciet e të cilës gjenden edhe në vendin tonë. Kjo specie ka kokë më të gjerë sesa trupi, bishtin më të gjatë se gjysma e trupit, me qime të rralla të shkurtra, në të cilën vihen re disa luspa të vendosura në formë unazash. Ekspertët e AKVMB kanë përgatitur material informues rreth këtij dëmutesi dhe këshillon fermerët që të kontaktojnë me ekspertin e zonës në çdo rast të dyshimtë.

Mënyra e shtimit të këtij dëmtuesi

– Shumëzohen gjatë gjithë vitit nëse gjejnë kushte të përshtatshme mjedisore, por megjithatë, kohët në të cilat arrihet piku i shumëzimit janë sezonet e verës dhe të vjeshtës.

– Pjellin 8–10 herë në vit dhe në çdo pjellje janë 5–12 minj;

– Minjtë e vegjël brenda 2 muajsh bëhen të aftë për shtim;

– Në qoftëse nuk dëmtohen, një çift minjsh mund të shkojë deri në 3000 individë;

– Miu ngre folenë brenda ngastrës së mbjellë dhe brenda një foleje hap 6–7 vrima me diametër 3–4 cm, të cilat janë të lidhura me njëra – tjetrën;

– Në hyrje duket vrima e hyrjes së galerisë me gjerësi 3–10 cm.

Shpërndaje:

Lajme të tjera