Asnjë fermer nuk duhet të mbajë kafshë të pamatrikulluara, një proces ky që shërben për të formalizuar sektorin e blegtorisë dhe për të garantuar gjurmueshmërinë e prodhimeve shtazore, si mishi apo nënproduktet e qumështit.
Kafshët e paregjistruara në sistemin RUDA nuk mund të shiten në treg apo pranohen në thertore, pasi në këtë mënyrë konsumatorit nuk i garantohet siguria ushqimore.
Autoriteti Kombëtar i Veterinarisë dhe Mbrojtjes së Bimëve ëshë çdo ditë në terren për të matrikulluar dhe rimatrikulluar falas çdo krer gjedhi, të imtash dhe derrash.
Fermerë bashkëpunoni ngushtë me veterinerin e zonës suaj, për ta përfituar këtë shërbim! Në raste abuzimi apo neglizhence, denonconi në 𝗻𝐮𝐦𝐫𝐢𝗻 𝗲 𝐠𝐣𝐞𝐥𝐛𝐞̈𝐫-𝟎𝟖𝟎𝟎𝟑𝟑𝟔𝟔.
Autoriteti Kombëtar i Veterinarisë dhe Mbrojtjes së Bimëve
