Veterinerët zyrtarë të AKVMB i janë bashkuar trupave inspektuese të AKU në të gjitha Pikat e Kalimit Kufitar për të verifikuar gjendjen shëndetësore të kafshëve;
kjo në kuadër të masave të marra nga situata epizootike në vendet fqinje dhe të Rajonit të Ballkanit, pas shfaqjes së Murtajës së Ruminantëve të Vegjël.
Drejtori i Përgjithshëm i Autoritetit Kombëtar të Veterinarisë dhe Mbrojtjes së Bimëve, Rolandi Meçaj po zhvillon takime me përfaqësues të Pikave Kufitare, përfaqësues të AKU-së dhe Policisë së Shtetit për të bashkërenduar kontrollet mbi ndalimin e importit të të imtave nga vendet e prekura nga kjo sëmundje.
Në zbatim të Urdhrit të Ministrit, i cili ndalon importin e të imtave nga vende si Greqia dhe Rumania, AKVMB ka ngritur grupe kontrolli së bashku me Policinë e Shtetit në të gjitha akset nacionale për të monitoruar lëvizjen e kafshëve në 24 orë.
