[Specialistët e Mbrojtjes së Bimëve të Qarkut Berat kryen kontroll fitosanitar në subjektin “Barim Hyka”, me vendndodhje në Kutalli të Beratit.
Qëllimi i kontrollit ishte vlerësimi i situatës shëndetësore të materialit mbjellës bimor, për 218 mijë fidanë të llojit domate, spec dhe trangull. Sipas specialistëve, fidanët rezultuan të pastër nga organizmat dhe sëmundjet e dëmshme dhe u pajisën me certifikatë fitosanitare.
“Certifikata fitosanitare” është dokumenti zyrtar i lëshuar nga Shërbimi i Mbrojtjes së Bimëve që vërteton se fidanët i janë nënshtruar kontrollit fitosanitar dhe janë gjetur të pastër nga parazitët.
Specialistët e Mbrojtjes së Bimëve vijojnë intensivisht kontrollet në rang kombëtar në çdo subjekt që prodhon fidanë, me qëllim që fermerëve kultivues, t’ iu garantohet pastërtia fitosanitare.
Autoriteti Kombëtar i Veterinarisë dhe Mbrojtjes së Bimëve
