Një ekip nga Ministria e Bujqësisë dhe e Zhvillimit Rural dhe Autoriteti Kombëtar i Veterinarisë dhe Mbrojtjes së Bimëve ishin pjesë e një vizite 5-ditore në Irlandë për të parë nga afër të gjithë sistemin e funksionimit të shërbimit veterinar.
Përfaqësuesit shqiptarë u takuan me autoritetet irlandeze të veterinarisë; u njohën me sistemin e regjistrimit dhe identifikimit të kafshëve, mënyrën e funksionimit të thertoreve të gjedhit, shpendëve dhe derrave. Përvoja e përftuar në Irlandë pritet që të implementohet edhe në Shqipëri, për të çuar më tej forcimin e shërbimit veterinar.
