Specialistë nga Ministria e Bujqësisë dhe Zhvillimit Rural, Autoriteti Kombëtar i Veterinarisë dhe Mbrojtjes së Bimëve, AKU dhe AREB, u bënë bashkë në një takim në Fier, më përpunues të ullirit.
Ata kërkuan bashkëpunim dhe bashkërendim mes palëve në disa procese që do të lehtësonin punën e tyre në grumbullimin, përpunimin dhe tregtimin e ullirit.
Autoriteti Kombëtar i Veterinarisë dhe Mbrojtjes së Bimëve evidentoi dy hallka të rëndësishme siç janë mbajtja dhe plotësimi i Regjistrit të PMB-ve dhe regjistrimi si një detyrim ligjor në Regjistrin e Operatorit Profesionist.
Të dyja këto çështje janë elementë shumë të rëndësishëm, të cilat i shërbejnë gjurmueshmërisë së produktit nga ferma në tryezë.
