Kujtim Pelinci 22 vite të jetës së tij ia ka kushtuar bujqësisë. Aktivitetin e ka të orientuar drejt kultivimit të fidanëve të hardhisë. Fidanët e varieteteve të ndryshme kanë si destinacion tregun vendas. Për prodhimin e fidanëve shfrytëzon një sipërfaqe toke prej 1.6 ha dhe specialistët e Mbrojtjes së Bimëve të DRVMB Elbasan monitoruan nga afër gjendjen fitosanitare të fidanishtes në pronësi të Kujtimit.
Fidanishtja ndodhet në fshatin Peshkëpi të Pogradecit dhe sipas specialistëve gjendja paraqitet e mirë. Fermeri u këshillua për mënyrën se si duhet të ruhet shëndeti i fidanëve dhe mënyrën se si luftohet infeksioni. Blerësit duhet t’i sigurohen fidanë në gjendje të mirë fitosanitare, të certifikuar sipas rregullave, në mënyrë që të ketë produktivitet të lartë.
Autoriteti Kombëtar i Veterinarisë dhe Mbrojtjes së Bimëve
