Të drejtat dhe liritë e kafshëve në Shqipëri janë të përcaktuara në ligj, pjesë kjo mjaft e rëndësishme e procesit të përafrimit të legjislacionit vendas me legjislacionin e Bashkimit Evropian. Ndryshime gjithashtu ka pësuar dhe Kodi Penal, ku përcaktohet qartë çfarë përbën vepër penale dhe cilat janë dënimet e parashikuara për çdo rast të keqtrajtimit të kafshëve.
Ministria e Bujqësisë dhe Zhvillimit Rural ka nxjerrë Urdhrin Nr. 634, datë 2.11.2023 “Për Miratimin e Rregullores për Lëvizjen Jo tregtare të Kafshëve të Shoqërimit”, për modelin e Regjistrit të Kafshëve të Rrugës. Për zbatimin e këtij Urdhri, ditën e sotme AKVMB ishte pjesë e një tryeze diskutimi, mes aktorësh vendim-marrës, përfaqësues nga bashki të ndryshme në vend dhe përfaqësues nga Shoqëria Civile.
Palët diskutuan mbi zbatimin me përpikmëri të Rregullores për lëvizjen e kafshëve të shoqërimit, nga çdo aktor ose pronar kafshësh.
